“Qudratli davlatlar Markaziy Osiyoga bosim qilyapti”—Shavkat Mirziyoyev

Bugun, 22-dekabr kuni Respublika Maʼnaviyat va maʼrifat kengashi yigʻilishidagi nutqida Oʻzbekiston prezidenti Shavkat Mirziyoyev dunyodagi ziddiyatli vaziyat haqida fikr bildirdi.
“Ilgari oʻz maqsad va manfaatlarini asosan diplomatiya va siyosat bilan himoya qilib kelgan dunyodagi qudratli markazlar endi ochiqchasiga bosim oʻtkazish, qarama-qarshilik va toʻqnashuvlar yoʻliga oʻtganiga hammamiz guvohmiz. Afsuski, bunday keng koʻlamli va oʻta ziddiyatli jarayonlarning taʼsiri Markaziy Osiyo mintaqasi va uning tarkibiy qismi boʻlgan mamlakatimizni ham chetlab oʻtmayapti”,– dedi prezident.
Davlat rahbarining mazkur fikrlari shu kunlarda ijtimoiy tarmoqlarda keng muhokamalarga sabab boʻlayotgan rosaiyalik siyosatchi Zaxar Prilepin chiqishi fonida yangradi. Prilepin yigʻilishdagi nutqida sobiq SSSR hududlarini Rossiya tarkibiga qoʻshib olishni va ularning aholisiga rus tilini oʻrgatishni taklif qilgan. Prilepinning taʼkidlashicha, “migrantlarni Rossiyada emas, balki ular kelgan davlatlarda, masalan, Oʻzbekistonda oʻqitish kerak”.
Rossiya Tashqi ishlar vazirligi rus yozuvchisining Oʻzbekistonni Rossiyaga qoʻshib olish taklifiga munosabat bildirdi.
“Prilepinning bayonotlari uning shaxsiy fikri boʻlib, bu hatto Rossiya Federatsiyasining rasmiy pozitsiyasini uzoqdan ham aks ettirmaydi», — deya maʼlum qilgan vazirlik vakili Mariya Zaxarova.
Ijtimoiy tarmoqlardagi sahifalarimiz:
Telegram: t.me/Daryo
Facebook: www.facebook.com/daryouz.rasmiy
Instagram: www.instagram.com/daryo.rasmiy/
Twitter: twitter.com/daryo_uz
TikTok: www.tiktok.com/daryorasmiy
Web sayt: daryo.uz?utm-yt-da

Category : Yangiliklar

#ldquo#qudratli#davlatlar#markaziy#osiyoga#bosim#qilyapti#rdquo#mdash#shavkat#mirziyoyev