Include this script into your page along with the iframe for a responsive media embed
Maktabgacha va maktab taʼlimi vazirligi tomonidan xalqaro aloqalarni kengaytirish va investitsiyalarni jalb qilish boʻyicha qator loyihalar amalga oshirilmoqda. Xususan, Xitoy hukumati bilan hamkorlikda Oʻzbekiston maktablarini kompyuter oʻquv uskunalari bilan jihozlash loyihasi yakunlandi. Vazirlik boshqarma boshligʻi Sanjar Tursunov “Daryo” nashriga bergan intervyusida mazkur hamkorlik toʻgʻrisida maʼlumot berdi. “Xitoy bilan hamkorlikda amalga oshirilgan “5-9-sinflarda chet tili va informatika fanlarini oʻqitish sifatini oshirish" loyihasining umumiy qiymati 12 million dollarini tashkil etdi. Oʻzlashtirilgan investitsiya mablagʻlari hisobidan 1 303 ta umumtaʼlim maktabi kompyuter oʻquv uskunalari bilan jihozlandi. Mazkur loyiha doirasida 20 848 ta kompyuter, 1 303 ta proyektor, elektron doska va printerlar Oʻzbekistonga olib kelindi. Ayni paytda ushbu oʻquv uskunalarini respublikamizdagi umumtaʼlim maktablariga oʻrnatish ishlari davom etmoqda”, — dedi vazirkli vakili. Shu bilan birga, vazirlik Koreya Ekzimbanki bilan hamkorlikda 2 ta yirik loyihani amalga oshirmoqda. “Birinchisi, “Umumtaʼlim maktablarini kompyuter oʻquv jihozlari bilan jihozlash” loyihasi boʻlib, uning umumiy qiymati 33 million dollarni tshakil etadi. Mazkur loyiha doirasida Oʻzbekistondagi 3 810 ta maktab kompyuter oʻquv jihozlari bilan toʻliq jihozlandi. Koreya Eksimbanki bilan hamkorlikda amalga oshirilgan yana biri yirik loyiha, “Umumtaʼlim maktablaridagi fizika, kimyo, biologiya va informatika kabinetlarini zamonaviy oʻquv-laboratoriya jihozlari bilan jihozlash, axborot-kommunikatsiya texnologiyalarini rivojlantirish” investitsiya loyihasi hisoblanadi. Uning umumiy qiymati — qiymati 140 million dollarga teng”, — dedi mutaxassis. Ijtimoiy tarmoqlardagi sahifalarimiz: Telegram: t.me/Daryo Facebook: www.facebook.com/daryouz.rasmiy Instagram: www.instagram.com/daryo.rasmiy/ Twitter: twitter.com/daryo_uz TikTok: www.tiktok.com/daryorasmiy Web sayt: daryo.uz
